Мектеп директоры Д.Еркинбаев түсіндіру жұмыстарын жүргізді

«ҚАЗАҚСТАН РЕСПУБЛИКАСЫ ІШКІ ІСТЕР МИНИСТРЛІГІ АБАЙ ОБЛЫСЫ ПОЛИЦИЯ ДЕПАРТАМЕНТІ АЯГӨЗ АУДАНЫНЫҢ ПОЛИЦИЯ БӨЛІМІ» ММ-нің тапсырмасына сәйкес Абай облысы білім басқармасының Аягөз ауданы білім бөлімінің «№ 1 Ақшәулі жалпы орта білім беретін мектебі» КММ-де 15 қыркүйек күні мектеп директоры Д.Еркинбаев «Интернет-алаяқтықтың заманауи түрлері және оның алдын алу. Қаржылық сауаттылық» тақырыбында түсіндіру жұмыстарын жүргізді.

Қазіргі таңда интернет-алаяқтықтың артуы өзекті мәселелердің бірі болып отыр. Күн сайын Абай облысының тұрғындары қаскөйлердің құрбанына айналып, ірі көлемде қаражаттан, тіпті кей жағдайда баспанасынан айырылуда. Бұл жағдай ең алдымен азаматтарымыздың қаржылық сауаттылығының төмендігі мен интернет-алаяқтықтың заманауи түрлері туралы хабарсыздығынан туындайды.