Аймақтық семинар 2022 жылдың 28 қарашасы

2022 жылдың 28 қарашасында «№1 Ақшәулі жалпы орта білім беретін мектебі» КММ-сінде «Жаңа бағытта білім беру – заман талабы» атты аймақтық семинар ұйымдастырылды. Мақсаты: Бүгінгі білім беру жүйесі модернизацияланған заманда білім беру платформаларын тиімді пайдалана отырып, оқу үдерісін жандандыру.
Мектеп оқушыларының хорымен және мұғалімдерінің әнімен ашылған семинарда тәжірибе алмасу сабақтары көрсетілді. Бастауыш сыныпта Курманбаева А.Ж. «Қазіргі роботтар», көркем еңбек пәнінен Мұсаев А.С. «Табиғи материалдардан жасалатын бұйым нобайын орындау», дене тәрбиесі пәнінен «Ойын кезіндегі қозғалыс үйлесімділігін дамыту» Жолдыбаев Т.Ж., география пәнінен Болатхан А.Б "Қазақстанның ішкі сулары”, кіші футбол үйірмесінен Байбатшанов К.К., «Дара жол, дана жол- өзгелерге үлгі жол!» тақырыбында сыныптан тыс сабақ бастауыш сынып мұғалімі Көбентаева А.А. және “ Білім сапасын арттырудағы кедергілер және оларды шешу жолдары” тақырыбында ДОІЖО Смаилова С.Т. коучинг өткізіп, мектеп директоры Еркинбаев Д.Д. SWOT талдау жасатты.
Аудандық білім бөлімінен келген әдіскерлер С.А.Киржибаев, С.С.Ахметова, М.Т.Коккозова қорытынды сөз алып, оқушылар мен ұстаздардың белсенділігі, өтілген сабақтар мен сыныптан тыс жұмыста тақырыптың толық ашылуы, білім беру платформаларын тиімді пайданалуы, мектепте мобилографияның дамуы, мектептің техникалық қиындықтан шыға білуі - барлығы орынды ұйымдастырылғанын баса айтып, оң пікір білдірді. Семинар жоғары дәрежеде өтіліп, қатысқан әріптестер мен әдіскерлердің көңілінен шықты.