"Семей - Алашорда астанасы" тақырыбында бірыңғай тарих сабағы

Абай облысы білім басқармасының Аягөз ауданы білім бөлімінің "№1 Ақшәулі ЖОББМ" КММ-де Қ.Тоқаевтың 05.01.2021 жылғы "Егемен Қазақстан " газетінде жариялаған "Тәуелсіздік бәрінен қымбат" деп айтылған тапсырмалар тізбегінің 2-тізбегін орындау бойынша және Алаш арыстарының асыл мұрасын игеруді жалғастыру мақсатында 19 қазан күні 10 "А" сыныбында "Семей - Алашорда астанасы" тақырыбында бірыңғай тарих сабағын тарих пәнінің мұғалімі Шолпан Сейсенқызы өткізді. Семей шаһарын Алаштың астанасы деп біртіндеп атап жүргенімізбен, оның тарихы тым тереңде жатқаны белгілі. Ұлт тарихында ерекше маңызға ие болған ұлт-азаттық қозғалысының ордасы болған Семей қаласын айтпай кету мүмкін емес. Танымдық сабақ барысында оқушылар, Алаштың айнасы - Семей шаһары туралы мәліметпен танысып, осы тақырыпта эссе жазды. Семей шаһарының қандай тарихи рөл атқарғаны ұмытылмай тарихта қалуы тиіс.