«БАРШАҒА ҚОЛЖЕТІМДІ САПАЛЫ БІЛІМ» Педагогтердің I съезіндегі Ұлттық баяндама жобасы таныстырылды

Абай облысы білім басқармасының Аягөз ауданы білім бөлімінің  «№1 Ақшәулі жалпы орта білім беретін мектебі» КММ-нде педагогтерге қазіргі білім беру саласындағы нақты мақсат-міндеттерді айқындайтын  «БАРШАҒА ҚОЛЖЕТІМДІ САПАЛЫ БІЛІМ»  Педагогтердің I съезіндегі  Ұлттық баяндама жобасы таныстырылды.  Балабақша, мектеп, колледж, ЖОО-да кездесетін ауқымды мәселелер, болашақта жасалатын істер жөнінде кеңінен ой қозғалған. Жоба жүйелі құрылымдалған. Оқытудың жаңа әдіс-тәсілдерін енгізуге қажетті жағдай жасалып отыр. Білім беру саласында бәсекелестік орта қалыптасып, көптеген жаңа орталықтар мен мамандар пайда болды. Олар оқу материалдарын, оқыту әдістемелерін, мектепті қаржыландыру модельдерін, білім беру ортасын ұйымдастыруға инновациялар енгізіп жатыр. Мұның барлығы терең әрі саналы дамуға, бала да, ата-ана да, мұғалім де сезінуі тиіс сапалы нәтижелерге бастайтын сан-салалы жұмыстар. Балабақша және орта білім беру ұйымына қатысты бөлімдерімен педагогтер таныса келе өз ойларын ортаға салды. 
#ұлттықбаяндама