2 сыныпта "Қазақтың ұлттық тағамдары" атты тәрбие сағаты

10.11.2023 жылы 2 "А"сыныбында сынып жетекшісі Р.А.Чинбаеваның ұйымдастыруымен "Қазақтың ұлттық тағамдары" атты тәрбие сағаты өтілді. Оқушылар сабаққа дайындықпен келіп ұлттық тағамдардың жасалу жолдарын әңгімелеп берді. Сүт тағамдары құрт пен ірімшік туралы Жанат Бекнұр, бауырсақтың жасалу жолдарын Қуанышқызы Раяна мен Жолдаспаев Сағижан, ұлттық сусындар қымыз бен шұбат туралы Даулетұлы Данияр және ет тағамдары жайлы Жақсылық Дильназ салып келген суреті бойынша баяндап берді. Балалар қонақжайлылық таныта отырып, дастарханға бата беріп, ұлттық тағамдардан дәм татты.