9-10 "А" сыныптарында "Райымжан Мәрсековтің саяси-құқықтық көзқарастары" тақырыбында бірыңғай тарих сабағы
Абай облысы білім басқармасының Аягөз ауданы білім бөлімінің "№1 Ақшәулі ЖОББМ" КММ-де Қ.Тоқаевтың 05.01.2021 жылғы "Егемен Қазақстан " газетінде жариялаған "Тәуелсіздік бәрінен қымбат", - деп айтылған тапсырмалар тізбегінің 2-тізбегін орындау бойынша және Алаш арыстарының асыл мұрасын игеруді жалғастыру мақсатында 17 қараша күні 9-10 "А" сыныптарында "Райымжан Мәрсековтің саяси-құқықтық көзқарастары" тақырыбында бірыңғай тарих сабағын тарих пәнінің мұғалімі Шолпан Сейсенқызы өткізді. Тәуелсіздігімізді алған соң көптеген тарихи тақырыптар қайта қарала бастады. Бұрын бір жақты ғана қаралған тарихи кезеңдерге жаңаша баға берілді. Айтылмай келген есімдерді тани бастадық. Сондай есімдердің бірі — Райымжан Мәрсеков. Райымжан Мәрсеков жайлы біреу білсе, біреу білмес. Райымжан Мәрсеков деген кім? Оның ел тарихында алар орны қандай деген сұрақ төңірегіне тоқталдым. ХІХ ғасырдың аяғы ХХ ғасырдың басындағы алмағайып дәуірде қазақ зиялылары саяси аренадан бой көрсетіп, ел өміріне белсене араласа бастаған. Сол бір тұрақсыз дәуірде елінің болашағын ойлап, жоғын жоқтаған ұлт зиялылары Әлихан Бөкейханұлы, Ахмет Байтұрсынұлы, Жақып Ақпаев, Әлімхан Ермеков, Мағжан Жұмабаев, Жүсіпбек Аймауытов сынды арыстар қатарында Райымжан Мәрсеков те болды. Райымжан Мәрсеков есімі өлке тарихында жарқын істерімен есте қалған аяулы тұлға туралы деректі фильмнен үзінді көрсетілді.
