"Білімдіге дүние жарық.Танып білу қуанышы, сүйсініп оқу" бастауыш сыныптар ата-аналарына жиналыс.
05.12.2023 жылы бастауыш бірлестігінің жетекшісі Кобентаева Айгерім Айдарханқызы бастаған 2-сынып жетекшісі Р.А.Чинбаева, 3-сынып жетекшісі С.Қ.Егинбаева, 4-сынып жетекшісі Л.А.Бутабаева “Ата-аналарды педагогикалық қолдау ортылығының жоспарлы екінші жиынын өткізді.
Тақырыбы: Білімдіге дүние жарық.Танып білу қуанышы, сүйсініп оқу.
Балалардың үй тапсырмасын орындауына қолайлы орта ұйымдастыру, психологиялық қолдау көрсету. Ұлттық құндылықтарды оқушы мен ата-ана бойына дәріптей отыра, үштік одақтың жұмысын жандандыру. Есіктен кіре, ұлттық бимен қарсы алып, ұлттық дәм ұсынылды. Жиын барысында ханталапай, қол күрес, ақ сандық-көк санды, тақия тастамақ сынды ұлттық ойындарды ойната отырып, ситуациялық жағдаяттар мен мектеп бағдарламасынан түрлі тапсырмалар орындатылды. Үш топқа бөлінген ата-аналарымыз біршама сыннан сүрінбей өтіп, өздерін сан қырларынан көрсете білді. Сонымен қатар, ауыз әдебиетінен мақал, жұмбақ ертегілер айтып, сахналық қойылымдар көрсетілді. Өз өнерлерін де ортаға паш еткен ата-аналар ұлттық аспап домбырамен құлақ құрышын қандырар ән мен күйді де күймілжіте орындады. Өздерінің жан-жақтылығымен, креативтілігімен көзге түскен ана-әжелеріміз түрлі сыйлықтарға ие болды. ДТІЖО Ә.Т.Нурмухаметова қорытынды сөз сөйлеп, жиналысқа өте жоғары деген баға берді. Ата-аналар кері байланысын желкенді кемеге жапсырып, көтеріңкі көңіл-күймен қайтты. Алдағы уақытта да осындай шаралар жиі өтсе деген пікірлер жаудырып, ең жоғары деген баға қойып кетті! Ұлттық құндылықтарымыз жойылмасын деп қорытындыладық❤️
