Сайын Мұратбековтің "Жусан иісі" повесін оқып, талдау мақсатында 5-6 сынып оқушылары өзара сайысқа түсті
"№1 Ақшәулі жалпы орта білім беретін мектебі" КММ-де "Балалар кітапханасы" жобасы аясында "Оқуға құштар мектеп" челленджі бойынша қазақтың көрнекті жазушысы Сайын Мұратбековтің "Жусан иісі" повесін оқып, талдау мақсатында 5-6 сынып оқушылары өзара сайысқа түсті. Сайыс жоспарында сұрақ-жауап, әңгіменің қысқаша мазмұнын айту, үзінді оқу және "Менің сүйікті кейіпкерім“ атты постер қорғау болды. "Оқуға құштар мектеп" атты стенд жасалып, оған автордың шығармалары қойылып, оқушыларға таныстырылды. Бұл сайыс оқушылардың кітап оқуға құштарлығын арттырып, сөйлеу мәдениеттерін қалыптастыруға ықпал етті. Нәтижесінде "Оқуға құштар сынып" атағын 6 сынып жеңіп алды. Жетекшісі М.Т.Камабаева. "Оқуға құштар оқушы" номинациясын 5 сынып оқушысы Акатаева Камилла, "Үздік оқырман" атағын 6 сынып оқушысы Аманбек Алихан жеңіп алды. Жеңімпаздар мақтау қағаздарымен марапатталды.
