3-4 сынып арасында С.Мұратбековтің "Жусан иісі" кітабының желісі бойынша "Оқуға құштар мектеп" челленджі
Абай облысы білім басқармасының Аягөз ауданы білім бөлімінің "№1 Ақшәулі жалпы орта білім беретін мектебі" КММ кітапханашысы А.Скакованың ұйымдастыруымен 3-4 сынып арасында "Балалар кітапханасы" жобасы аясында С.Мұратбековтің "Жусан иісі" кітабының желісі бойынша "Оқуға құштар мектеп" челленджі болып өтті. Бұл іс-шараның мақсаты оқушыларда оқыған кітаптарының мазмұны мен сүйікті кейіпкерлерінің мінез-құлқы туралы өзара талқылауға негізделген қарым-қатынас жасау мәдениетін дамыту. Қатысушылар екі топқа бөлініп, әр топ өзара әңгіменің қысқаша мазмұнын айтып, басты кейіпкерлеріне мінездеме берді. Іс-шара барысында қатысушылар әңгіме желісі бойынша сурет салып, кейіпкерлер туралы өз ойларымен бөлісті. "Оқуға құштар сынып" атағын 4 сынып, "Оқуға құштар оқушы" Өртбаев Алинұр мен Орынхан Айбар, "Үздік оқырман" атағын Берікұлы Бекзат, Шкребко Сұлтан жеңіп алды.
