7-10 сыныптар арасында С.Мұратбековтің "Жусан иісі" повесі бойынша челлендж
Абай облысы білім басқармасының Аягөз ауданы білім бөлімінің "№1 Ақшәулі жалпы орта білім беретін мектебі" КММ-де 7-10 сыныптар арасында "Балалар кітапханасы" жобасы аясында "Оқуға құштар мектеп" челленджі болып өтті. Тақырыбы: С.Мұратбековтің "Жусан иісі" повесі. Мақсаты: Оқушылардың функционалдық оқу дағдысын және шығармашылық қиялын дамыту, кітап оқуға қызығушылығын ояту. Кітапханашы А.Скакова "Менің сүйікті кітабым" атты кітап көрмесін жасап таныстырды. Қазақ әдебиетінің көрнекті өкілі, көркемсөз өнерінің шебері С.Мұратбековтің қаламынан туған туындылардың арасында деңгейі төмені жоқ. Аса талантты жазушының шығармасын да сондықтан балалар құмарта оқиды."Жусан иісі" хикаятының орны бөлек. Ол оқиға желісінің шынайылылығымен, тілінің көркем де өрнектілігімен, кейіпкерлерінің биік адамгершілік қасиеттерімен ерекшеленіп тұрады. Табиғи танымдылығы арқасында оқырманын баурап отырады. Біз өмірде бас кейіпкерінің прототипі болған "Жусан иісі" повесі бойынша әңгімелесіп, оқушылар сұрақтарға жауап беріп, шығармаға жоспар құрды. Челленджге 11 оқушы мен 4 мұғалім қатысты. 10 сынып - "Оқуға құштар сынып" атанды. Нәтижесінде шығарманы оқу негізінде, оқушылардың рухани дүниесі байып, ой-өрістері мен дүниетанымдары кеңейе түсті.
