7 сыныпта "Қош келдің, Әз-Наурыз" атты мерекелік кеш

⚜️Қош келдің, Әз-Наурыз!⚜️
Мектебімізде сынып жетекші Мұсаев Алмас Серікұлы 7 сынып оқушыларымен 18 наурыз Ұлыстың ұлы күні - Наурыз мерекесіне арналған "Қош келдің, Әз-Наурыз" атты мерекелік кеш ұйымдастырды. Мерекелік кешімізді Айғаным Жақсыкелдіқызы шашу шашып, мектебіміздің ардагер ұстазы Эльмира Аятовна және ДТІЖО Әсем Төлеуқызы құттықтау сөздерімен бастады.  Мектеп оқушылары ұлттық дәстүрден көрініс көрсетіп, ұлттық нақышта әндер айтып, ұлттық биден тарту етіп, ұлттық киімдер үлгісін көрсетіп, ұлттық салт-дәстүрді кеңінен насихаттады. Соның ішінде біздің сыныпқа берілген Жарапазан тұрмыс-салт жырын шырқады.
⚜️Қыстан аман-есен шығып, мал тұяғы көкке, аузымыз аққа ілініп, ұлтымыздың Жаңа жылы мектебімізде осылай тойланды.  Барлығының көңіл-күйі керемет! 
⚜️Ұлтымыздың мерейін өсіріп, бар болмысымызды айшықтайтын қасиетті – Наурыз мерекесі елімізге, әрбір отбасына бірлік пен қуаныш, құт-береке, бақыт пен молшылық әкелсін!⚜️
💐💐💐Әріптестерімізді, ата-аналарды, шәкірттерімізді ұлыстың ұлы күнімен құттықтаймыз.
💐💐💐Жаңа жылымыз жаңа табыстарға жетелесін!