9 сынып бітіретін түлектердің ата-аналарымен және мектеп ұстаздарымен ақпараттық түсіндіру жұмыстары

Абай облысы білім басқармасының Аягөз ауданы білім бөлімінің "№1 Ақшәулі жалпы орта білім беретін мектебі" КММ-де биылғы оқу жылында 9 сынып бітіретін түлектердің ата-аналарымен және мектеп ұстаздарымен 2024 жылдың 12 маусым күні мектеп директоры Д.Еркинбаев қоғамдық орындарда балалардың қауіпсіздігін қамтамассыз етуге қатысты шаралар туралы түсіндірме жұмыстарын жүргізді. Ол әсіресе, табиғат аясында серуендеуге, өзен-көлдерге, шағын су алаптарында суға түсуге тыйым салынатындығы және төтенше жағдай бөлімдерімен бірлесіп, кезекшілік ұйымдастырылып отыратындығы ескертілді. Балалардың қауіпсіздігін қамтамасыз ету мақсатында түлектер, ата аналар және педагогтерге арналған ақпараттық түсіндіру жұмыстарын жүргізді. Сонымен қатар, жазғы маусымда балалардың жолдағы, судағы, табиғаттағы, тұрғын үйлердегі, көшедегі, ойын алаңдарындағы, ауладағы, сауықтыру орталықтарындағы, қауіпсіздік ережелерін сақтау бойынша тиімді шараларды қабылдау қажеттілігіне баса назар аудару керектігін айтты.