Қазақстан халқы тілдер күні мерекесі аталып өтті

 
Абай облысы білім басқармасының Аягөз ауданы білім бөлімінің "№1 Ақшәулі жалпы орта білім беретін мектебі" КММ-де 05 қыркүйек күні Қазақстан халқы тілдер күні мерекесі аталып өтті. 2017 жылы премьер-министр Бақытжан Сағынтаев Тілдер күнін 05 қыркүйек деп бекітті. Сол күні тіл білімінің атасы  Ахмет Байтұрсынұлы өмір есігін ашқан. Мерекелік күннің сол күнге ауыстырылуы ұлт зиялысының еңбегіне жасалған құрметтің бір белгісі. Осы орайда ҚГБ пән бірлестігінің жетекшісі Какибаева Шолпан Сейсеновнаның ұйымдастыруымен мектебімізде ұлт ұстазы Ахмет Байтұрсыновқа арналып лездеме өтті. Оқушыларға Ахмет Байтұрсынұлы туралы ақпаратпен,шығармаларымен, кітап қорымен кітапханашымыз Скакова Айғаным Жаксыкелдиновна таныстырды. Әрі қарай қазақ тілі мен әдебиет пәнінің мұғалімі Мизамитова Ляззат Секенгалиевна бірыңғай диктант жаздырды. Тіліміздің мәртебесі биік, абыройы асқақ болсын!