31 мамыр - саяси қуғын-сүргін құрбандарын еске алу күні

1997 жылдан бастап "31 мамыр – саяси қуғын-сүргін құрбандарын еске алу күні" болып жарияланған болатын. Алаш қайраткерлерін ұлықтау, ол Тәуелсіздігімізді асқақтатумен бірдей. Ұлы мұрат жолында ұланғайыр ерлік көрсеткен оларды қалай құрметтесек те болады. 1928 жылдың соңында "Алашорданың" бұрынғы қайраткерлерінің бәрі тұтқындалды. Ж.Аймауытов, Ә.Байдильдин, Д.Әділевтер атылып, қалғандары әр түрлі мерзімге түрмеге жабылды. М.Дулатұлы лагерьде қаза тапты. А.Байтұрсынов, М.Жұмабаев жазасын өтегенімен "Алашорданың" қызметіне араласқаны үшін қайта айыпталып, атылды. Ұлт зиялылары өкілдерінің құрамында М.Тынышбаев, Х.Досмұхамедов, Ж.Ақбаев т.б. 40-тай адам 1930 жылдың қыркүйек-қазан айларында тұтқындалды. Көп ұзамай олардың 15-і: М.Тынышбаев, Ж.Ақбаев, Х.Досмұхамедов, Қ.Кеменгеров, т.б. Ресейдің орталық қара топырақты облысына жер аударылды. Олардың барлығы 1930 жылдары қуғын-сүргінге (репрессияға) ұшырады. Осы мекемеде саяси қуғын-сүргін құрбандарын еске алу күніне орай буккросинг өткізілді. Көрмеге жазғы мектепте оқитын оқушылар қатысып Алаш зиялыларының кітаптарымен танысты. Кітап көрмесін мектеп кітапханашысы Айғаным Скакова ұйымдастырды.